Ҷустуҷӯ

Истифодабаранда

Хабарҳои машҳур
(за последние 7 дней)

Э.Раҳмон: Амалишаваии барномаҳо дар Ҷиликӯл суст ҷараён дорад

Муаллиф: X-Miller-X
Рӯз: 07.10.2014 в 11:06
Хонандаҳо: 438

Дар доираи сафар ба минтақаи Қӯрғонтеппаи вилояти Хатлон президенти мамлакат Эмомалӣ Раҳмон субҳи имрӯз аз ноҳияи Ҷиликӯл боздид намуд.

Бино ба иттилои хадамоти матбуоти сарвари давлат, президент дар маросими ифтитоҳи бинои нави беморхонаи марказии ноҳия, корхонаи асфалт, корхонаи дӯзандагӣ ва гузоштани хишти аввал ба таҳкурсии бинои мактаби таҳсилоти умумии №6 ширкат варзида, бо намунаҳои маҳсулоти ҳунарҳои мардумӣ ва кишоварзии ноҳияи Ҷиликӯл шинос шуд.

Дар маркази ноҳия Эмомалӣ Раҳмон  бо масъулону фаъолони ноҳияи мулоқот орост. Зимни суханронӣ назди ҳозирин сарвари давлат қайд кард, ки аз ҷониби Ҳукумати мамлакат дар l0 соли охир ҷиҳати таъмин намудани фаъолияти босуботи бахшҳои гуногуни ноҳия ва дастгирии буҷети он аз ҳисоби маблағҳои буҷети давлатӣ 215 миллион сомонӣ равона карда шудааст. Ҳамзамон бо ин, дар давоми 4 соли оянда дар доираи лоиҳаҳои амалишудаистода барои рушди соҳаи кишоварзӣ ва объёрии заминҳо, ҳифзи муҳити зист ва маориф 21 миллион сомонӣ равона карда мешавад.

Президент дар идома зикр кард, ки илова бар ин, Барномаи рушди иҷтимоиву иқтисодии ноҳияи Ҷиликул барои солҳои 2012-2016, ки бо қарори Ҳукумати мамлакат тасдиқ гардидааст, аз 156 адад лоиҳаҳои афзалиятнок иборат буда, барои татбиқи он 185 миллион сомонӣ, аз ҷумла тавассути буҷети давлатӣ 58 миллион сомонӣ ва сармоягузориҳои дохиливу хориҷӣ 114 миллион сомонӣ пешбинӣ шудааст.

«Ҳоло дар доираи татбиқи Барномаи рушди ноҳия ба маблағи умумии 15 миллион сомонӣ корҳо иҷро гардидаанд, ки он ҳамагӣ 8 фоизи иҷрои барномаро ташкил медиҳад. Яъне амалишавии он суст ҷараён дорад», - иброз дошт сарвари давлат.

Президент ба мақомоти раҳбарии ноҳияи Ҷиликӯл дастур дод, ки якҷо бо вазорату идораҳои дахлдор ва бахши хусусӣ ҷиҳати ҳалли масъалаи мазкур чораҳои зарурӣ андешида, истифодаи самараноки маблағҳои буҷетӣ ва ғайрибуҷетиро таъмин намоянд.

Cарчашма: Азия-Плюс